ՀՀ ԿԳՄՍ նախարարի աշխատանքային այցը Էստոնիա մեկնարկել է Տարտուից

20 մայիսի, 2025

ՀՀ ԿԳՄՍ նախարար Ժաննա Անդրեասյանի գլխավորած պատվիրակությունը մայիսի 19-21-ը այցելում է Էստոնիա։

Պատվիրակությանն է միացել նաև Լիտվայում ՀՀ արտակարգ և լիազոր դեսպան Արա Մարգարյանը։

Նախարարի և պատվիրակության այցը Էստոնիա մենկարկեց Տարտուից:

Նախարարը հանդիպեց Տարտուի քաղաքապետ Ուրմաս Կաասին, այցելեց Տարտուի հանրահայտ համալսարան, որտեղ հանդիպում կայացավ պրոռեկտոր դոկտոր Մոորայի և ուսանողների հետ:

Նախարարի այցի առիթով պատմական ցուցադրություն բացվեց Տարտուի արվեստի թանգարանում։ Պահոցից հանվեց և հանրության ուշադրությանը մատուցվեց Խաչատուր Աբովյանի կողմից համալսարանին նվիրաբերված 13-րդ դարի շարակնոցը: Այն չէր ցուցադրվել ավելի քան 30 տարի:

Բացման արարողությանը ներկա էր ՀԱԵ Բալթյան երկրների թեմի առաջնորդ՝ Գերաշնորհ Տեր Վազգեն արքեպիսկոպոս Միրզախանյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր